-
Title
-
Auld Robin Grey
-
Singer
-
Keylock Family
-
Song Lyrics
-
Verse 1
When the sheep are in the fauld and the kye at hame,
And a' the world to sleep are gane,
The waes o' my heart fa' in showers frae my e'e,
When my gudeman lies sound by me.
Verse 2
Young Jamie lo'ed me weel and socht me for his bride,
But, saving a croun, he had nothing else beside;
To mak' that croun a pund young Jamie gaed to sea,
And the croun and the pund were both for me.
Verse 3
He hadna been awa a week but only twa,
When my mother she fell sick and the cow was stolen awa;
My father brak his arm, and young Jamie at the sea,
And auld Robin Grey cam' a -courtin' me.
Verse 4
Mt father couldna work, and my mother couldna spin,
I toiled day and nicht for their bread I couldna win;
Auld Rob maintained them baith, and, wi' tears in his e'e
Aid - 'Jennie, for their sakes, oh, marry me.'
Verse 5
My heart it said nay - for I looked for Jamie back;
But the wind it blew high, and the ship it was a wrack,
His ship it was a wrack - Why didna Jamie dee?
Or why do I live to say - 'Wae's me.'
Verse 6
My father argued sair, my mother didna speak,
But she lookit in my face till my heart was like to break;
So they gied him my hand - my heart was in the sea,
And auld Robin Grey was gudeman to me.
Verse 7
I hadna been a wife a wek, but only four,
When mournful as I sat on a stane at the door,
I saw my Jamie's wraith, but I couldna think it he,
Till he said - 'I'm come hame to marry thee.'
Verse 8
Ah! sair, sair did we greet, and mickle did we say,
We took but ae kiss and we tore ourselves awa'
I wish I was dead, but I'm nae likely to dee,
And why was I born to say - 'Wae's me.'
Verse 9
I gang like a ghaist, and I care na to spin,
I daurna think on Jamie for that wad be a sin,
But I'll do my best a gude wife to be,
For auld Robin Grey is kind to me.
