-
Title
-
Jeannie and Jamie
-
Singer
-
Russell, Mrs.
-
Song Lyrics
-
Jeannie
Verse 1
When ye gang awa' Jamie,
Far across the sea, laddie;
When ye gang to Germany,
What will ye send to me, laddie?
Jamie
Verse 2
I'll send ye a braw new gown, Jeannie,
I'll send ye a braw new gown, lassie;
And it shall be o' silk and gowd,
With Valenciennes set around, lassie.
Jeannie
Verse 3
Tha's nae gift ava', Jamie,
That's nae gift ava' laddie;
There's not a gown in a' the town,
I like when ye're awa' laddie.
Jamie
Verse 4
When I come back again, Jeannie,
When I come back again, lassie;
I'll bring with me a gallant gay,
To be your ain guidman, lassie.
Jeannie
Verse 5
Be my guidman yerself, Jamie,
Be my guidman yersel, laddie;
An' tak' me o'er to Germany,
With you at hame to dwell, laddie.
Jamie
Verse 6
I dinna ken how that would do, Jeannie,
I dinna ken how that can be, lassie;
For I've a wife and bairnies three,
An' I'm nae sure how ye'd agree, lassie.
Jeannie
Verse 7
Ye should a telt me that in time, Jamie,
Ye should a telt me that lang syne, laddie;
For had I kent o' your false heart,
Ye'd ne'er hae gotten mine, laddie.
Jamie
Verse 8
Your e'en were like a spell, Jeannie,
Your e'en were like a spell, lassie;
That ilka day bewitched me sae,
I could na' help myself, lassie.
Jeannie
Verse 9
Gae back to your wife an' hame, Jamie,
Gae back to your bairnies three, laddie;
And I will pray they ne'er may know,
A broken heart like mine, laddie.
Jamie
Verse 10
Dry that tearful e'e, Jeannie,
Dry that tearful e'e, lassie;
For I've neither wife nor bairnies three,
And I'll wed nane but thee, lassie.
Jeannie
Verse 11
Think weel for fear ye rue, Jamie,
Think weel for fear ye rue, laddie;
For I have neither gold nor lands,
To be a match for you , laddie.
Jamie
Verse 12
Blair in Atholl's mine, Jeannie,
Little Dunkeld is mine, lassie;
St Johnstone's bower and hunting tower,
An' a' tha's mine is thine, lassie.
